ஒரு இளம் எழுத்தாளனின் முகபுத்தக பதிவுகள்

ஐயா Arul Sneham, உங்கள் எழுத்து மிகவும் அழகும் ஆழமுமானது உங்கள்   சிந்தனையை போல. பெரும்பாலும் இளைஞர்கள் copy & paste செய்து பதிவுகள் போடும் இத்தருணத்தில் தினமும் கலையில் சற்றும் சளைப்பே இல்லாமல் யாருக்காவது பயன்படும் என முகபுத்தகத்தில் உங்களது சொந்த கருத்தை எழுதி கொண்டே இருப்பது மிகவும் ஆச்சரியப்பட வைக்கிறது.

நூல் அறுந்த பட்டங்கள் !!!
××××××××××××××××××
வேலை கேட்டு
ஒரு இளைஞன் வந்தான்.
கல்வி தகுதி
யாதென கேட்டேன்.
பட்ட படிப்பு
ஆங்கில இலக்கியம் என்றான்.
ஆங்கல கவிஞர்
இருவரை கூறென கேட்டேன்.
அது நான் அறியேன்
என்றான் இளைஞன்.
அய்யோ பாவம் பட்டம்
நூலறுந்த பட்டங்கள் !!!

காதல் என்பது மழைமேகம்!
××××××××××××××××××××××××××
காதல் என்பது மழைமேகம்
மழையாய் பொழிந்து
மலையில் வீழ்ந்து
நதியில் தவழ்ந்து
கடலில் கலந்தால்
அது யோகம்.

புயலில் சிக்கி
திசை தெரியாமல்
காற்றினில் கரைந்து
பிரிந்து போனால்
அது சோகம்.
எனினும் மனித மனங்களில்
காதல் என்றும் தெய்வீகம்
காதல் இல்லேல் சாதல் சாதல்
பாரதி வரிகள் மேலாகும்.

என்னுயிரே.........
×××××××××××××××
ஏழழகே !
எழுதீ தீரா
பேரழகே.......
ஓவியமும்
நல்ல காவியமும்
கலந்து ஒழுகும்
கலையழகே
தமிழே
என் னுயிர் துடிப்பே........
கதையும்
கவிதையும்
கட்டுரையும்
ஒழுகும்
மனசின்
எண்ணங்களும்
எழுதி மகிழும்
என்னமுதே
இன்ப தமிழே
என்னுயிரே... 

என் தாய் மொழி
××××××××××××××××
நெற்றியில் முத்தமிட்டு!
பொட்டுவைத்து அழகு பார்த்து!
அன்னையவள் சொன்னமொழி
தமிழ் மொழி.!
நெஞ்சோடணைத்தென்னை
பாலுட்டும் வேளையிலும்!
தலைவருடி புன்னகைத்து
கொஞ்சி மகிழ்ந்திருந்த வேளையிலும்
அன்னையவள் சொன்னமொழி
தமிழ் மொழி!!
விட்டு பிரியாமல்
அடம்பிடித்தயென்னை
தொட்டிலில் கிடத்தியவள்
பிஞ்சு மொழி புன்னகையால்
தாலாட்டு பாடியுறக்கியதும்
எம் தாய் பாட்டு தமிழல்லவோ!
எனைவிட்டு நீ சென்ற பின்னும்
உன் நினைவுகளை நான் பொதிந்து
சுமப்பதும் நினைப்பதும் நீ தந்த தமிழல்லவோ!
அன்னையே நீயும் நீ தந்த தமிழும்
ஒன்றென வளர்ந்தேன்
என்றும் உன் திருவடி
பாதம் பணிந்து
அமுத தமிழால்
உள்ளம் மகழ்ந்தே
வியந்திருப்பேன் !!! 

பூத்துறையும் வீரமாமுனிவரும்
×××××××××××××××××××××××××××

குமரி மாவட்டத்தின் மேற்க்கு கரையில் அரபிகடலோரம் அமைந்த ஒரு மீனவ கிராம் பூத்துறை.மிகவும் எளிமையும் தாழ்ச்சியுமுள்ள மீனவர்களின் வாழ்விடம். இந்த உயரிய நற்குணம் இந்த கிராமத்தின் தனித்துவமாக விளங்குகின்றது. இந்த நல்ல குணம் இவர்களுக்கு எங்கிருந்து கிடைத்தது என்று நான் வியந்ததுண்டு. சமீபத்தில் எனக்கு கிடைத்த ஒரு ஆய்வு கட்டுரையில் இதர்க்கான விடை கிடைத்தது. ஆதை உங்களிடம் பகரவே இப்பதிவில் முற்படுகின்றேன்.

1605 -ஆம் ஆண்டு இத்தாலி நாட்டை சார்ந்த பாதர றோபர்ட் தி நொபிலி எனும் கிருத்தவ சாமியார் இந்தியா வந்தடைந்தார்.இந்தியாவின் பன்முக தன்மையும் பண்பாட்டு கலாசாரவும் அவரை மிகவும் கவர்ந்தது.எனவே இந்திய மக்களை நேசிப்பதர்க்கும் சேவிப்பதர்க்கும் இந்தியனாக வாழவே அவர் முடிவெடுத்தார்.கிருத்தவ சாமிமார்கள் அணியும் வெள்ளை அங்கியை தூறந்து இந்திய துறவிகளின் காஷாய வஸ்திரமான காவி ஆடைகளை உடுத்திக்கொண்டார்.சாமானிய மக்களோடு மக்களாக எளிய வாழ்கையை வாழலானார்.பூத்துறை கிராமத்தில் நெடுங்காலம் அவர் வாழ்ந்ததாகவும் அவர்களின் ஆத்மீய குருவாக அவரை மக்கள் ஏற்றுக்கொண்டதாகவும் கட்டுரையாளர் விவரிக்கிறார்.சாதாரண மக்களோடு மக்களாக அவர் வாழ்ந்தார் ஓலை பாயில் தரையில் அமர்ந்தும படுத்துறங்கியும் அன்பையும் சேவையயும் மக்களுக்கு தந்து மக்களின் இனிய தமிழை கற்கலானார்.ஒரு இந்திய துறவியாக முற்றிலும் மாறியிருந்த அவரை மக்கள் வீரமாமுனிவர் என்று அன்பொழுக அழைக்கலானார்.பூத்துறையில் எல்லா சமயத்தவரும் கூடிவாழ்ந்து வந்தனர்.ஜாதிமத பேதமின்றி அனைவரையும் நேசித்த அந்த முனிபுங்கவனிடமிருந்து எளிமையும் தாழ்ச்சியும் அந்த மக்களுக்கு வரப்பிரசாதமாய் கிடைத்தது.மத ஒற்றுமையின் சின்னமாக பூத்துறை இன்றும் விளங்குகிறது.கிருத்தவ கோயிலும் முஸ்லீம் பள்ளிகளும் இந்து கோயில்களும் அருகருகே அமைந்து சகோதரத்துவத்தின் புண்ணிய பூமியாக இக்கிராமம் உயர்ந்து நிர்க்கிறது.

வீரமாமுனிவர் பல தமிழ் இலக்கியங்களை கற்றுணரந்து அரிய பல நூல்களை மொழிமாற்றம் செய்தார். திருக்குறள், தேவாரம், திருப்புகழ், நன்னூல், ஆத்திச்சூடி போன்ற தமிழ் இலக்கியங்களை மொழிமாற்றம் செய்ததோடு இவைகளின் வெளிச்சத்தில் கிருத்தவத்தை விளக்கினார். இவர் பனை ஓலையில் எழுதிய the christ through the vedantha எனும் ஆய்வு இன்னும் சென்னை நூலகத்தில் பாதுகாக்கப்பட்டு வருகிறது.

இந்தியாவுக்கு முதலில் வந்த யேசு சீடன் தோமாஸ் கடலோர கிராமங்களில் பல இடங்களிலும் கல்குரிசுகள் ஸ்தாபித்ததாகவும் அங்கிருந்துதான் கிரித்தவம் இந்தியாவில் வளர துவங்கியதென்றும் ஆய்வாளர்கள் கூறுகின்றனர்.காலபோக்கில் குருசடிகள் கோயில்களாக மாறியது.அவ்விதம் பூத்துறை கோயிலும் உயர்ந்தபோது தங்களின் ஆத்மீய குருவான வீரமாமுனிவரை மக்கள் ஸ்னாபக யோவானின் உருவில் கண்டனர் என்றும் எனவே அக்கோயில் யோகன்னான் பாதுகாவலனானதாகவும் ஆய்வுகள் கூறுகிறது.

போன தலைமுறையில் கல்வியில் பின்னிட்டிருந்த இக்கிராமம் இப்போது பிரமிக்குமளவிலான கல்வி முன்னேற்றத்தை அடைந்துள்ளது.பலதரப்பட்ட கல்வி கூடங்களும் வியக்க வைக்கும் விளையாட்டரங்கவும் நூலகவும் இந்த மக்களின் பெருமையை பறைசாற்றுகின்றது.கடலோர கிராமங்களில் இப்படி ஒரு விளையாட்டரங்கம் எங்கும் உள்ளதாக தெரியவில்லை.பார்வையாளர் மாடங்களும் அனைத்து விளையாட்டு களங்களும் அந்த ஊர் இளைஞர்களை நேரான பாதையில் இட்டு செல்கின்றது.

உயர்ந்த கல்வியும் நுண்ணறிவும் ஒருங்கே பெற்ற இளைஞர்கள் வீரமாமுனிவருக்கும் பூத்துறைக்குமான உறவை மேலும் ஆய்ந்து அப்பெருமானாருக்கு பூத்துறையில் நினைவு சின்னம் எழுப்பவேண்டும். என் மூததையர்கள் வாழ்ந்ததும் இங்குதான் என்பதால் இக்கோரிக்கையை முன்வைக்கிறேன்.

முழுகும் நகையை மீட்டு மறு அடகு வைக்கவா?
×××××××××××××××××××××××××××××××

தமிழக தேர்தல் நெருங்கியாச்சு.நாடக மேடையில் திரைகளும் கெட்டியாச்சு.சீன்கள் ஓட துவங்கியாச்சு.திமுக க்காரன் அதிமுக காரனை கிழிகிழியென கிழிக்க துவங்கியாச்சு.ஆதிமுக காரனும் பம்மாத்து வேலைகளை காட்ட துவங்கியாச்சு.அதிமுகவின் அயோக்கிய ஆட்சி அகற்றப்படவேண்டும். மாற்று கருத்து இல்லவே இல்ல.ஆனால் நடுநிலையாளனின் கண்களுக்கு திமுகவும் அப்புறப்படுத்தவேண்டிய கட்சியாகத்தானே தெரியுது.அதிமுக அகற்றப்படுவதர்க்கு என்ன என்ன அக்கிரமங்கள் காரணமோ அந்த அக்கிரமங்கள் யாவும் திமுகவுக்கும் அப்படிமே பொருந்துதே.ரட்டை பெத்த புள்ளமாதிரியல்ல தெரியிது.ஒரே ஒரு வித்தியாசம்.அதிமுக காரன் ஊழல் செஞ்சா பளிச்சணு வெளியே தெரியுது.திமுக காரன் செய்ற ஊழல் நுணுக்கமா இருக்கும்.எளிதில கண்டு பிடிக்க முடியாது.சக்கரியா கமிஷனும் அப்படித்தானே சொன்னாங்க. ஆக அதிமுக விடமிருந்து ஆட்சிய பறிச்சு திமுகவிடம் தருவது என்பது வட்டியில் முழுகிய நகையை மீண்டு மறு அடமானம் வைப்பதர்க்கு ஒப்பாகும்.எனவே வட்டியும் முதலும் தள்ளுபடி செய்து பொருளை மக்களிடம் சேர்க்கும் மக்கள் நல கூட்டணிக்கு இம்முறை வாக்கிளித்து பாரப்போமே.ஒண்ணும் குடி முழுகி போகாது.மக்கள் அரசு மலரும்.தமிழனும் தமிழகவும் தலை நிமரும்.நல்லது பிறக்கும்.

இவன்தான் மீனவன்
×××××××××××××××××

இன்று பட்டணம் பொழிமுகம் வள்ளத்தில் கடந்து முள்ளூர்துறை நோக்கி நடந்துகொண்டிருந்தேன்.ஒரு புதிய இனோவா கார் மணலில் புதைந்து கிடந்தது.ஒரு இளைஞன் வண்டியை எடுக்க பகீரத பிரயத்தினம் கெய்துகொண்டிருந்தான்.நானும் அவனை அப்படியே விட்டுவிட மனமில்லாமல் அவனோடு சேர்ந்து கொண்டேன்.வண்டி மேன்மேலும் புதைந்து கொண்டிருந்தது.உதவிக்கு யாரும் இல்லை. சர் என்று ஒரு குட்டியானை பிரேக்கை போட்டது.தொழில் முடிந்து ஏத்தினங்களையும் ஏத்திக்கொண்டு பசியோடு வீடுதிரும்பிகொண்டிருந்த ஐந்தாறு மீனவர்கள் வண்டியிலிருந்து சாடி இறங்கினார்கள்.நேரே புதைந்த வண்டியண்டை வந்தனர்.புதைந்த வண்டியை பூபோல தூக்கி உரிய இடத்தில் நிறுத்திவிட்டு ஒரு நன்றியை கூட எதிர்பார்க்காமல் வந்த வேகத்தில் சென்றுவிட்டனர். நான் புளகாங்கிதம் அடைந்தேன்.என் மனம் சொல்லிக்கொண்டது"இவன்தான் மீனவன். 

தமிழ் எழுத தெரியாமல் திணறும் தமிழ் நாளேடுகள!
××××××××××××××××××××××××××××××××××××××××××××××××××××

ஒரு மொழியின் இலக்கண இலக்கியங்கள் சால பொருந்தியதாக ஊடகங்கள், குறிப்பாக நாளேடுகள் திகழவேண்டும்.ஒரு எழுத்து பிழையை மக்கள் திருத்திக்கொள்ளவேண்டுமானால் நாளேடுகளை பார்த்து திருத்துமளவுக்கு நாளேடுகள் தரமானதாக இருக்கவேண்டும். அந்த அளவுக்கு நாளிதழ்களில் சரியாக எழுதவேண்டும்.ஆனால் தமிழ் நாளேடுகளின் நிலைமை மிகவும் பரிதாபம். ஒரு நாளேட்டை எடுத்துக்கொண்டால் தினமும் நூறு எழுத்து பிழைகளை எண்ணிவிடலாம்.இதற்க்கும் மேலாக எண்களோடு தொடர்ந்து வருகின்ற எழுத்தை சரிவர எழுத எந்த நாளிதழுக்கும் தெரியவில்லை. உதாகரணமாக இரண்டாவது என்பதை,எண்ணும் எழுத்துமாக எழுதவேண்டுமானால் 2 --ஆவது என்று எழுதவேண்டும்.ஆனால் அனைத்து நாளிதழ்களிலும் 2 --வது என்று எழுதுகின்றனர்.இதை ரண்டுவது என்றுதான் வாசிக்கமுடியும்.இந்த தவறை சுட்டிக்காட்டி ஒருபுதிய பெரிய தமிழ் நாளிதழுக்கு பலமுறை தெரியப்படுத்தியும் இந்த தவறை சளைக்காமல் தொடருகின்றனர்.அதைப்போலவே ன,ண-- ல,ள,ழ -- ர,ற - போன்ற எழுத்துக்களுக்கும் வித்தியாசம் தெரியாமல் தமிழை கையாளுகின்றனர்.ஒரு சாமானியன் எழுதுவது வேறு பத்திக்கை எழுதுவது வேறு.மொழியோடு உரிய பழக்கமுள்ள தகுதியானவர்களை கொண்டு திருத்தம் பார்த்து அச்சில் ஏற்றவேண்டும்.மொழியை வளர்க்க வேண்டிய நாளேடுகள் மொழியை அழிக்கக்கூடாது.நண்பர்கள் இப்பதிவை பகர்ந்து நாளிதழ்களின் அறிவுக்கு எட்ட செய்யவேண்டுமாய் கேட்டுக்கொள்கிறேன்.

இருவரிடமும் ஒரே ஒரு கேள்வி ?
×××××××××××××÷××××××××××××××××××

தமிழின தலைவர் டாக்டர் கலைஞர் மு.கருணாநிதி அவர்களிடமும் பொன்மனசெல்வி தங்க தாரகை புரட்சி தலைவி J. ஜெயலளிதா அவர்களோடும் ஒரு சாமனியனில் ஒரே ஒரு கேள்வி.உங்கள் இருவரிடமும் மலைபோல் குவிந்து கிடக்கும் பல ஆயிரக்கணக்கான கோடிக்கான சொத்து எங்கிருந்து வந்தது. நீங்கள் இருவரும் இதற்க்கு பதில் சொல்லப்போவதில்லை. ஆனால் இவ்விருவருக்குமாக கச்சை கட்டிக்கொண்டு களத்தில் சதிராடும் அவர்களின் விசுவாசிகள் நெஞ்சை தொட்டு நிதானமாக பதில் சொல்லட்டு.

மக்கள் நலகூட்டணி காலத்தின் கட்டாயம்
××××××××××××××××××××××××××××

ஐம்பது ஆண்டுகளுக்கு முன்பே செய்திருக்கவேண்டிய காரியத்தை இப்போது கம்யூணிஸ்டுகள் உணர்ந்திருக்கிறார்கள்.மக்கள் நலனில் அக்கறையுள்ள நல்லதொரு கூட்டணியை துவக்க காலம் முதலே அவர்கள் உருவாக்கியிருக்க வேண்டும்.மாறி மாறி இந்த ஊழல் பெரச்சாளிகளை வளர்த்துவிட்டதன் தண்டனையை அவர்கள் அனுபவித்துவிட்டார்கள்.அப்படி ஒரு அணியை அன்றே உருவாக்கியிருந்தால் இந்த அவலநிலை தமிழ்நாட்டுக்கு வந்திருக்காது.கம்யூணிஸ்டுகளும் இப்படி கட்டெறும்பாக தேய்ந்து போயிருக்கமாட்டார்கள்.கடைசி நேரத்திலாவது நல்லபுத்தி வந்ததென்று ஆறுதலடைவோம்.
 

ஐம்பது ஆண்டுகளாக மாறிமாறி கொள்ளைப்போட்டு கொழுத்துப்போன மொரட்டு கூட்டத்தோடு இந்த தேர்தலில் நேருக்குநேர் மோதவேண்டியுள்ளது.இமயம்போல் குவிந்துகிடக்கும் கொள்ளை முதலோடும் அதிகார கூலிப்பட்டாளத்தோடும் குருசேத்திரக்களத்தில் வெறிகூச்சல் கும்பலோடு மக்கள் கூட்டணி மோதித்தான் ஆகவேண்டும்.குறைந்தபட்ச செயல் திட்டத்தோடு பிறகட்சிகளை இணைத்து சக்தியை பெருக்க வேண்டிய அவசியம் உண்டு.கோலியாத்தை வீழ்த்த தாவிதுக்கு கவட்டயில் வைத்து ஏவ சிறு கூளாங்கள் தேவைப்பட்டது.விருப்பு வெறுப்புக்களை முன்னிறுத்தி வேரறுக்கவேண்டிய விஷவிருச்சத்தை வெட்டி வீழ்த்தாமல் விட்டுவிட கூடாது.தமிழகத்தை சுத்தப்படுத்த ஒன்றுபட நேசமுள்ள அனைவரும் ஒன்றுபட்டு ஆகத்தான் வேண்டும்.இது காலத்தின் கட்டாயம்.குளிர்காய நினைக்கும் குபுத்திகளின் மாயவலையில் வீழ்ந்து விடாதீர்.இன்று தமிழகத்தில் உருவாகிவரும் தன்னெழுர்ச்சியை ஒருமுகப்படுத்தவேண்டிய கடமை ஒவ்வொரு முர்போக்காளனுக்கும் உண்டு.உணர்ச்சியை தூண்டும் நச்சு குறைகளை களையுங்கள்.நம் முன்னுள்ள ஒரே நோக்கம் பெரச்சாளிகளை பொறியில் அடைத்தாகணும்.இலக்கை நோக்கி பயணிப்போம்.அடுத்து என்ன என்பதை அப்புறம் பார்போம்.தமிழகத்தை தாக்கியுள்ள கொடிய நோயை குணப்படுத்துவோம். வீண் வதந்திகளை விரட்டியடிப்போம்.ஆஹா என்றெழுந்ததுபார் யுகபுரட்சி எனும் பாரதி கனவு நிஜமாகட்டும்.வாசியோடு போர்களம் வாரீர். வெ ற்றி நமதே அது நிச்சயமே! 

எங்க ஓட்டு விலைக்கில்ல !
×××××××××××××××××××××××
தேர்தல் களம் நெருங்கி வருகிது
களவாணிக்கூட்டமிங்கு ஆடபோகுது
கொள்ளை முதல் மூட்டையெல்லாம்
கொண்டுவந்து சேத்திடுவாங்க - நம்ம
வாக்கை விலை பேசி வாங்கி சென்றிடுவாங்க
ஜாதிமத உறவெல்லாம் பேசிடுவாங்க
சாராய சரக்கெல்லாம் தந்திடுவாங்க
கைநிறைய காசு தந்து கவர்ந்திடுவாங்க
தேர்தல்மட்டும் சுத்தி சுத்தி வந்து நம்மை சூழ்ந்திடுவாங்க
கனஜோராக கச்சவடம் பாத்திடுவாங்க
வாக்குறுதி வாரி வீசி ஏச்சிடுவாங்க
வந்த வேலை முடிஞ்சதெண்ணா ஓடி போயிடுவாங்க
மறுதேர்தல் வரும்வரைக்கும் அவர் வருவதில்லிங்க
எத்தனை நாள் எங்களையும் ஏச்சுப்போட்டு ஒடிபோவீங்க
இனி ஏமாற மாட்டோமுங்க போங்க
எங்க ஓட்டு விலைக்கு இல்லிங்க

விஜய காந்து அவர்களுக்கு ஓர் திறந்த மடல்.
×××××××××××××××××××××××

ஐயா விஜயகாந்து அவர்களே உங்களுக்கெங்கள் உள்ளார்ந்த வாழ்த்துக்களும் வணக்கவும் உரித்தாக்குகின்றேன். 2011-ஆம் ஆண்டு தமிழக சட்டமன்ற தேர்தல் காலத்தில் கடைந்தெடுத்த ஊழல் அரசை விரட்டுவதர்க்கு நீங்கள் எடுத்துக்கொண்ட முயர்ச்சிகளை பாராட்டாமல் இருக்க முடியாது. ஆண்டுகொண்டிருந்த மக்கள் விரோத அரசை தனிமைப்படுத்த நீங்கள் ஏற்படுத்திய கூட்டணியும் நல் வெற்றியை பெற்றது.ஆளுங்கட்சி எதிர்கட்சி அந்தசை கூட பெறமுடியாமல் முடக்கப்பட்டது.எதிர்கட்சி அந்தஸ்தையும் நீங்கள் தக்கவைத்து கொண்டீர்கள்.எல்லாம் நல்லபடியாக நடந்தேறியது. சில மாதங்களிலையே அம்மா ஆட்சியின் அவலங்கள் படிப்படியாக வெளிவர துவங்கிவிட்டது.நீங்களும் அந்த கூட்டணியிலிருந்து வெளியேறி விட்டீர்கள். அம்மாவின் ஆட்சி காலம் முடியப்போகிறது.தேர்தல் தேதி அறிவிக்காத குறையாக நெருங்கி விட்டது.கூட்டணிகள் உருவாக துவங்கி விட்டது.மிகவும் இக்கட்டான அரசியல் சூழ்நிலமை.ஆண்ட இரு கட்சிகளுமே ஒரே குட்டயில் ஊறிய மட்டைகள்.போன தேர்தலில் யாரை ஒழிக்கவேண்டுமென்று ஜெயலளிதாவை ஆதரித்தீர்களோ அந்த கட்சியுடன் கூட்டணி சேர்ந்து இப்போது ஆதிமுக வை ஒழிப்பது எப்படி சரியாக இருக்கும்.ஒருவேளை திமுக வென்று ஆட்சி அமைத்தால் கடந்த காலங்களில் செய்த ஊழல்களை செய்யமாட்டார்கள் என்பதர்க்கு என்ன உத்தரவாதம்.இன்று நேற்றல்ல 25 ஆண்டுகளாக ஊழலையே தொழிலாக கொள்ளைப்போட்டவர்கள்.இவர்கள் முழு பூஷணிக்காயை . விழுங்குவார்களானால் அவர்கள் முழு ஒட்டகத்தையே விழுங்கி விடுவார்கள்.சரி மீண்டும் ஐந்தாண்டுகள் திமுக ஆளுவதென்றே வைத்து கொள்வோம்.இவர்கள் ஆட்சி கிடைப்பதுவரை எல்லா வேடங்களையும் காட்டுவார்கள்.கிடைத்தபின்பு பழய கிழவி கதை தானே.அப்போது மீண்டும் அதிமுக வுடன் கூட்டணி அமைத்து திமுக வை துரத்துவீர்களா.இப்படியே காலம் பூராவும் குண்டு சட்டியிலையே குதிரை ஓட்டி பழக போகிறீர்களா.இந்த இரு கட்சிகளுக்கும் மாற்றாக எழுந்து நிர்க்கும் மக்கள் நல கூட்டணியை நீங்கள் ஏன் பார்க்க மறுக்கிறீர்கள்.உண்மையில் தமிழகத்தின் மாற்றத்திர்க்கான கொள்கை பிடிப்புள்ள கூட்டணி அதுமட்டுமே.நீங்கள் இருக்க வேண்டிய கூட்டணியும் அதுதான்.உங்கள் அரசியல் எதிர்காலம் இப்போது நீங்கள் எடுக்கும் முடிவில் அடங்கியுள்ளது.அதிகாரத்திர்க்காக கொள்கையில்லா சந்தர்ப்பவாத கூட்டணிகளோடு இணைந்தால் உங்களை காலத்திரை மூடி மறைத்து விடும் .நல்ல முடிவை அறிவியுங்கள்.எதிர்காலம் உங்களை வரவேற்க காத்திருக்கிறது 

தமிழக அரசியலில் யோக்கியமான தலைவரு இன்று யாரு?
××××××××××××××××××××××××××××××××××××××××××××××××××××××××××

தமிழக அரசியல்வாதிகள் ஒருவர்மாறி ஒருவரை ஒடுகாலி,அரசியல் நிலையற்றவர்,சீட்டுக்காக அலைபவர் என்று குற்றம் சாட்டுவதுண்டு.அப்படி ஓடாத காலிகளாக யாரும் இல்லை என்பதே நிதன்சனமான உண்மை.திமுக கூட்டு வைக்காத கட்திகள் இந்தியாவில் இல்லை.அதிமுகவும் அப்படித்தான்.பமகவும் அதே பாணிதான்.பாஜகவும் அதேதான்.தேமுதிக இப்பம் சீட்டும் பணவும் கொடுக்குற பக்கம்.கொள்கையும் கோட்பாடும் அந்த கட்சிக்கு இருக்கிறமாதிரி தெரியல.அந்த கட்சியின் யோக்கியதாம்சம் சீக்கிரமே வெளிப்படபோகுது.மதிமுகவும் இவர்களின் வழித்தோன்றல்தான்.ஆனா ஊழல் இல்லை.கம்யூணில்ட்களும் பாஜகவ தவிர மற்றபடி அப்படித்தான்.இந்த அரசியல் வாதிங்களே இப்படித்யான்.தேர்தல் வரும்வரைக்கும் மக்களுக்காக உருகி உருகி பேசுவாங்க.தேர்தல் வந்துட்டா கிடைக்கிற சீட்டும் கோடிகளையும்தான் கணக்கு பார்ப்பாங்க கண்ணா இருப்பாங்க.சீமானும் அவருக்க பங்குக்கு நிறையவே பேசிட்டாரு.ஆளு புதுசு.அவரும் என்னாணு இப்பம் தெரிஞ்சு போகும்.எனவே சுத்த சுயம் பிரகாசம் யாரும் இல்ல. இருப்பதில யாரு பறவா இல்லை என்பதை பார்க்கத்தான் நம்ம ஜனநாயகத்தில இடமிருக்கு.எதுஎப்படியோ ஒரு மாற்றம் கண்டிப்பா தேவைப்படுது.இந்த அண்ணன் தங்கையை நம்பி பாழாபோனது போதும்.இனிமே நாடு தாங்காது.ஆட்சியை பிடிப்பதுவரை இப்படி விழுந்து விழுந்து பேசுவதை பாக்காதிங்க.ஆட்சி கையில் கிடைக்கட்டும் ஆடுற ஆட்டத்தையும் போடுற வேஷங்களையும் அப்பம் பாருங்க.அதனால இவங்க தமிழகத்தை தூக்கிபிடிச்சது போதும்.நாலு லட்சம் கோடிக்கு தமிழகத்தை மார்வாடிக்கிட்ட வச்சிட்டாங்க.இன்னும் ஏமாந்தா மோடிக்கு போட்டியா தமிழகத்தை பயிந்து பட்டா போட்டிடுவாங்க.நல்லா பாத்துக்குங்க. மாத்தி யோசிங்க,மாற்றத்தை கொண்டு வாங்க.கொண்டு வருவீங்களா நீங்க கொண்டுவருவீங்களா!! 

விலை போகாத விருதுகள்
××××÷××××××××××××××××××

மத்திய அரசால் வழங்கப்பட்டுவரும் விருதுகள் சமீபகாலமாக கடுமையான விமர்சனங்களுக்கு உள்ளாக்கப்பட்டு வருகிறது.தகுதியானவர்கள் புறக்கணிக்கப்படுவதும் சம்மந்தமில்லாதோர் விருதுகள் பெறுவதும் சகசமாகிவிட்டது. மத்திய அரசாங்கத்தின் பிற்போக்குத்தனமான நடபடிகளை எதிர்க்கும் வண்ணம்பலரும் விருதுகளை திருப்பி தந்து கோண்டிருக்கின்றனர்.பலர் தங்களுக்கு அறிவிக்கப்பட்ட விருதுகளை வேண்டவே வேண்டாம் என்று கும்பிடுபோட்டு ஒதுங்கி கொண்டனர்.ஆக மத்திய அரசின் விருதுகள் மதிப்பற்ற ஒரு பொருளாக மாறிவட்டது.எனவே அரசியல் ஆதாயத்துக்காக சந்தடி வாக்கில் இப்போது இது வினியோகிக்கப்படுகின்றது.விலையில்லா பொருள் யாருக்கு கொடுத்தால் என்ன கொடுக்காமல் இருந்தால் என்ன,போகட்டும் விட்டுவிடுவோம். 

தேர்தல் வியாபாரங்கள்
××××××××××××××××××××××

தேர்தல் காலம் துவங்கிவிட்டது.பலவிதமான வியாபாரங்கள் படுவேகமாக அரங்கேற துவங்கிவிடும்.தேர்தலில் போட்டியிடுவோர் தங்கள் கட்சிகளிடமிருந்து போட்டிபோட விண்ணப்ப படிவங்கள் வாங்க கணிசமான தொகையை 10000 ரூபாயிலிருந்து மேல்நோக்கி பல ஆயிரங்களை முதல் கட்டமாக செலுத்த வேண்டும்.வேட்பாளர் தேர்வுக்குபின் பல ஆயிரம் கோடிகளை கட்சிதலைமை வேட்பாளருக்கு தேர்தல் செலவுகளுக்காக பகிர்ந்தளிக்கும்.வேட்பாளரும் தன்பங்குக்கு பல கோடிகளை இணைத்து ஓட்டு வியாபாரத்துக்கான முஸ்திப்புகளை செய்வார்.மாவட்டம், வட்டம் ,கிளைகளென பணம் பிரவாகமெடுத்து ஓடும்.பல்வேறு மட்டங்களில் செயல்படும் புரோக்கறுகளுக்கான கமிஷன் போக வாக்காளனுக்கு ஆயிரமோ இரண்டாயிரமோ தேறும்.இந்த பண பட்டுவாடா படு ரசமானது. அதை விவரிக்க வேறொரு பதிவு போடுமளவுக்கு ஏராளமான நுணுக்கங்கள் அதிலுமுண்டு.

அடுத்து வேறு முக்கியமான ஒரு வியாபாரமும் நடந்தேறும்.சில இடை நிலை கட்சிகள்.ஜனநாயகத்தின் காவலர்களாக தங்களை பிரகடனப் படுத்தும் வீரசூரர்கள். தவறென கண்டால் ஓங்கி அறைவதிலும் காறி துப்புவதிலும் சீமான்கள். இவர்கள் தேர்தலின் கடைசி நிமிடம் வரையிலும் எந்த அணியோடும் சேரமாட்டார்கள். ஆனால் எல்லா அணிகளோடும் ரகசிய பேரங்களை நடத்திக்கொண்டிருப்பார்கள். இவர்களின் நோக்கமெல்லாம் அதிகமான சீட்டுகளும் ஆதிகமான பல கோடி ருபாயும்தானே ஒழிய கொள்கையோ கோட்பாடுகளோ மக்கள் நலனோ ஏதுமில்லை. இவர்கள் ஜனநாயகத்தை விழுந்து விழுந்து தூக்கிபிடிப்பார்கள். ஆனால் தேர்தல் வந்த உடன் வியாபாரத்தில் கண்ணும் கருத்துமாக பலகோடிகளை சம்பாதிப்பதர்க்கு கங்கணம் கட்டிக்கொள்வார்கள்.

இன்று தமிழகத்தின் தேர்தல் களம் தெளிந்து விட்டது.ஐம்பது ஆண்டுகளாக தமிழகத்தை கொள்ளை போட்டவர்கள் இரு அணிகளாக அரங்குக்கு வந்துவிட்டார்கள்.கம்யூணிஸ்ட்களும் வைக்கோவும் திருமாவளவனும் மூன்றாவது அணியாக களத்தில் நிர்க்கிறார்கள்.இவர்கள் ஆண்டவர்களுமல்ல ஊழல் வாதிகளுமல்ல.ஆனால் சில இடைநிலை கட்சிகள் தாளம் போடுகின்றன. இவர்களின் நோக்கம் புரியவில்லை.ஒன்று மட்டும் புரிகிறது. சில சீட்டுகளுக்காகவும் சில கோடிகளுக்காகவும் எப்படிப்பட்ட தகிடுதத்தங்களையும் வெட்கமில்லாமல் இவர்கள் அரங்கேற்றிவிடுவார்கள். சாமானிய வாக்களன் கேட்கிறான் நீ எந்த அணி.ஓ!பேரம் முடியவில்லை என்றா பதில் சொல்வாய். இந்த மானம் கெட்ட பிழைப்பு எதுக்கு. பன்னெடுங்காலமாகவே தமிழகத்து மக்கள் வஞ்சிக்கப்பட்டார்கள் ஏமாற்றப்ளட்பார்கள்,இன்னுமா இன்னொரு ஏமாற்று வித்தகன்.தூ..... 

இந்தியா ஒரு ஜனநாயக நாடா?
********************************

 நமது நாடு ஜனநாயக குடியரசு என்றும் உலகிலயே மிகபெரிய ஜனநாயக நாடு என்றும் ஊடகங்களில் அடிக்கடி பார்த்திருக்கின்றோம்.ஜனநாயகம் என்றால் என்ன எனும் கேள்வி இப்பொழுது மனதில் எழ தொடங்கியிருக்கின்றது. ஜனநாயகத்துக்கு சுருக்கமான விளக்கம் யாதெனில் பெரும்பாலான மக்களின் கருத்துக்களை சிறுபகுதி மக்களும் ஏற்றுக்கொண்டு சமத்துவமாக வாழ்வதேயாகும்.ஆனால் இந்தியாவில் அப்படி நடப்பதாக தெரியவில்லை.ஒரு சிறுபகுதியினரான பெரும்முதலாளிகளின் நலன்களை பாதுகாப்பதர்க்கு பெரும்பகுதியான உழைக்கும் மக்களை பிழிந்தெடுக்கும முறைதான் இங்கு நடைமுறையில் உள்ளது.எளியவன் மேன்மேலும் வறுமையில் உழல்வதும் தனவான் நாளொருவண்ணவும் பொழுதொரு திண்ணவுமாக செழிப்பதும்தான் காணமுடிகிறது.அரசு எந்திரங்களும் நீதிமன்றங்களும் முதலாளிகளின் நலன்களை பாதுகாப்பதில் கண்ணும் கருத்துமாக உள்ளது.அவர்களின் ஏவல் கூலிகளாக இயங்குகின்றன. ஜனநாயகத்தின் உச்ச கட்ட நிலையான தேர்தல்களிலும் முதலாளிகளின் கையே ஓங்கி நிர்க்கிறது.மூட்டை மூட்டையாக நோட்டை கொண்டுவந்து ஓட்டு வியாபாரம் பார்த்து அரசு எந்திரத்தை மொத்தாக சேப்பிலே போட்டுவிட்டு போய்விடுகின்றனர் முதலாளிகள்.இதுதான் நமது ஜனநாயகம்.ஒன்றுமறியாத குடிமகன் பீற்றி திரிகிறான் இது ஜனநாயக நாடு என்று.மன்னிக்கவும் இது ஜனநாயகமல்ல முதலாளித்துவ ஜனநாயகம். அவர்களின் நலன்களை காக்கும் அரசு.அவர்களுக்காய் சட்டங்கள் வளையும்.நீதி தேவதை கண்ணைமூடிக்கொள்வாள். 

டில்லி நாடகம்!!
×××××××××××××××

ஜல்லிக்கட்டுக்கு அனுமதி வழங்கியது டில்லி அரசாங்கம்.மீண்டும் தடைபோட்டது உச்சநீதிமன்றம்.வேடிக்கையான விளையாட்டு.ஏற்கனவே உச்சநீதிமன்றத்தால் ஜல்லாக்கட்டு தடை செய்யப்பட்டிருந்தது.தமிழகத்து மக்களின் உணர்ச்சிப்போராட்டங்களுக்கு பணிந்து மத்திய அரசு அனுமதி வழங்கியது.ஆனால் தமிழர்களை ஏமாற்றவேண்டுமென்ற நயவஞ்சக நோக்கோடு ஒரு போலியான உத்தரவை மோடி அரசு வழங்கியுள்ளது.உச்சமன்றத்தின் தடை ஆணை நடைமுறையில் இருக்கும் ஒரு வழக்கின்மீது மத்திய அரசு எப்படி நடவடிக்கை எடுக்கவேண்டுமென்று மைய அரசுக்கு தெரியாதா? இவ்வளவு தூரம் சட்டஞானமே இல்லாத அறிவிலிகளா மத்திய அரசின் சட்டத்துறை. உச்சநீதிமன்றத்தின் தடை ஆணையை செயலிழக்க செய்யும் அவசர சட்டமொன்றை பிரகடனப்படுத்தியல்லவா ஜல்லிக்கட்டு நடத்த மத்திய அரசு அனுமதி கொடுத்திருக்கவேண்டும். இந்த சாதாரண சட்டநுணுக்கம் கூட தெரியாத ஞானசூனியங்களா மத்திய அரசை ஆட்சி செய்கின்றது. இல்லை தமிழர்களை அப்படி நினைத்து ஏளனம் செய்கிறான்களா?நீ யாரென்று அறிய உன் தலைவன் யாரென்று அறிந்தால் போதும் என மத்திய அனசு நம்மை கிண்டலடிக்கின்றதா.நீதிக்கும் ஞாயத்துக்கும் ஒத்துவராத சட்டங்களை இனி நாம் கண்டுகொள்ளவேண்டியதில்லை.அய்யா மார்கண்டயகட்ஜீ அவர்களின் சமயோசிதமான யோசனைப்படி தமிழர்களின் பொங்கள் வீர விளையாட்டை சிறப்புடன் கொண்டாடுவோம். எந்த உத்தரவும் தேவை இல்லை.நமது பண்பாட்டையும் நமது கலாசார நாகரிகத்தையும் நாமே காப்போம். கொட்டுங்கள் முரசை,எட்டு திக்கும் அது மாற்றொலி கொள்ளட்டும்.

துறைவன்---புத்தகம் என் பார்வையில்

நூலின் ஆசிரியர் கிறிஸ்டோபர் ஆண்டனிக்கு மனமார்ந்த பாராட்டுக்கள். படிக்கும்போத 20/25 வருடங்களுக்கு முன்பு அழைத்து செல்கிறது.    இரையுமன்துறை  முதல் நீரோடி வரை உள்ள 8 கிராமங்களும் தங்களது தனிதன்மை கொண்ட மொழியால் வேறுபட்டு உள்ளன. இதுபோல் வேறு எங்குமே காண முடியாது என எண்ணுகிறேன். நமது வட்டார மொழியை மிக அருமையாக பதிவு செய்து இருக்கின்றீர்கள். நமது அடுத்த தலைமுறை இந்த வட்டார மொழிகளை இது போன்ற ஒருசில புத்தகங்களில் மட்டும் தான் பார்த்து தெரிந்து கொள்ள இயலும் என நம்புகிறேன். 

=======================
ஆழிச்சுழி
=======================

ஆனியாடி இடிகரை மற்றும் மரம்புடி தொழிலை மிக அருமையாக பதிவு செய்து இருக்கின்றீர்கள்.

"போ...போ..."

"போ...ல...போ...ல..."

"கீளாட்டுபோ...கீளாட்டுபோ... "

"மலத்துலே...மலத்துலே..."

"தொளா...தொளா..."

"தொளா...ல    தொளா...ல"

"கீளாட்டு தொளா...கீளாட்டு தொளா..."

இந்த சத்தத்தை வைத்தே வீட்டில் இருக்கும் பெண்களும், பெரியவர்களும் மரம் கடல் தாண்டி சென்றதையும், கடல் அடித்து கரை திரும்பியதையும் கூறுவார்கள்.

மரம்புடியாளி மரம் புறப்பட்ட பிறகு அடுத்த மரத்தை தேடி ஓடும் காட்சி, யுத்தகளத்தில் போர் வீரர்கள் ஓடுவதை போல தோன்றும். சிறு வயதில் கடற்கரையில் நின்று மரம் புறப்படும் காட்சியை பார்த்ததை,  இப்பொது நினைக்கும் போது ஆங்கில action திரைப்படம் பார்த்தது போல் ஒரு உணர்வு.

ஆனியாடி மீனவர்கள் கடலுக்கு சென்று திரும்பும் முன்பே சீலாந்தி பட்டை போட்டு கொதிக்க கொதிக்க சுடு தண்ணி வீட்டின் முன்பு பெரிய பானைகளில் காச்சுவர்கள். இதற்காகவே எனது ஆத்தாவால்(பாட்டியால்) எங்களது வீட்டின் முன்பு ஒரு சீலாந்தி மரம் வளர்க்கபட்டது.

=======================
 கடற்குதிரை 
=======================

கடற்குதிரை படித்த போது, நித்திரவிளைலிருந்து எங்கள் ஊர் பூத்துறை வரை நண்பர்களுடன் நடந்து  செல்லும் போது சின்னத்துறை மணற்பரப்பில் சற்று நேரம் அமர்ந்து அரட்டை அடித்து விட்டு மேலும் நடையை தொடரும் பள்ளி பருவமே நினைவிற்கு வந்தது. 

இயந்திர வாழ்க்கையில் இப்பொது ஊரில் இருக்கும் கோவிலுக்கு கூட கால்கள் நடக்க மறுத்து  இயந்திரத்தின் உதவியை நாடுகிறது.

 குடிசை எனும் வரியை குறித்து மிக அருமையாக பதிவு செய்து இருக்கிறார். 

"நாமளே எரப்பம்மாரு, எரப்பன் எரந்து எரப்பாளிச்சு கொடுக்கணும்.சேலு கொள்ளம். எதுக்கு குடிசை கொடுக்கணும்"

"ஏண்ணா கோயிலு நம்ம சொத்து. நம்ம பணத்தில கெட்டினது" 

வட்டி தொழிலை குறித்த உரையாடலில்...

"இப்போ நாம எல்லாரும் நம்ம கையில இருக்குத பைசாவ என்ன செய்யுவோம்"

"பைசாவ பலிசைக்கு கொடுப்போம் "

"ஆமா நாம வட்டிக்கு கொடுக்கோம், யாராவது அந்த பணத்துக்கு வெல்லதும் எடமோ பெரேடமோ வேங்கிப் போடுதமா?"

"இல்ல"

"அதுதான் பெரிய தப்பு. இனிவருத காலங்களில எடங்க யாருட்ட இருக்கோ அவங்களுக்குதான் காலம்" 

"Save Water Save Life"

 

தாய்பாலும் தண்ணீரும் விலையில்லாமல்  இருந்தது

இப்போ எல்லாமே தலைகீழா போகுது

தடம் மாறி நிக்குது.

நிலாவுல தண்ணீர் இருக்கானு தேடுகிறோம்-ஆனால் 

பூமியில குடிநீர வியாபாரம் பண்ணுகிறோம்.

ஆறு இருக்கும் பக்கத்திலே ஊரு உருவானது.

 இப்போ ஊரு மட்டும் இருக்குது

ஆறுகள காணவில்லை.

குறவன் வளர்த்த காடுகள பாவிசனம் அழிக்குது 

நன்றி மறந்து சிரிக்குது

ஆறு அறிவ வச்சிக்கிட்டு ஆணவத்தில் மிதக்குது.

மண்ணை போல தண்ணீருக்கும் 

எல்லை கோடு போடுறோம்

வறுமை கோட்டை வளர்க்கிறோம்.

இயற்கையை பூட்டிவச்சு 

பொம்மையாக்க பாக்கிறோம் 

அடிமையாக்க நினைக்கிறோம் 

இப்படியே போனால் பூச்சியும் புழுவும் வாழும்

ஆறு அறிவு கொண்ட மனித இனம் மட்டும் 

காணாமல் போகும்!!!

Source : https://www.youtube.com/watch?v=-BKpcvFhuXA

    

3.MRDT - மோசடி

இன்றைய சமூகத்தில் ஒருவர் கற்றவரா, பண்பாளரா என்பதையெல்லாம் தாண்டி அவர் செல்வந்தரா என்பது முக்கிய தகுதியாய் இருக்கிறது. செல்வந்தராக இருந்தால், அவர் எவ்வழியில் செல்வந்தர் ஆனார் என்பதெல்லாம் பார்க்கப்படுவதில்லை. இன்றைய உலகில் பெரும்பாலானோர் உடனடி பணக்காரராகிவிட வேண்டும் என்று எண்ணி , உழைக்காமல் குறுகிய காலத்தில் பணம் சேர்த்துவிட வேண்டும் என யோசித்து  கொண்டு இருக்கிறார்கள். இப்படி எப்படியாவது பணம் சேர்த்துவிட வேண்டும் என நினைப்பவர்கள் வெகு சீக்கிரமாக மோசடி கும்பலின் வலையில் சிக்குவதுண்டு.

தினம் தினம் செய்திதாள்களிலும், தொலைகாட்சி பெட்டிகளிலும் மோசடி செய்திகளை பற்றி நாம் கேள்விபட்டாலும் முதலீடு விஷயத்தில் பேராசை அளவுக்கு அதிகமாக இருப்பதால் மோசடி மிக எளிதாக நடக்கிறது. ஒரு மோசடி நடந்து முடிந்த அதே நேரத்தில் அடுத்த மோசடி சத்தமில்லாமல் துவங்கியிருக்கும். முந்தைய மோசடிக்கு அதிர்ச்சி தெரிவித்தவர், இந்த மோசடியில் பாதிக்கப்பட்டவராக இருப்பார்கள். பணமோசடி கும்பல்களின் குறிக்கோளே முதலில் முதலீடு செய்பவர்களுக்கு பணத்தை அள்ளி வழங்கி விட்டு, இறுதியில் ஒட்டுமொத்தமாக ஏமாற்றுவது தான்.

இந்த மாய வார்த்தைகளை கேட்டு முதலில் ஒரு ஐம்பாதியிரம் போட்டு தான் பார்ப்போமே என அடுத்த நபர் துவங்குவார். அன்று துடங்கும் அவரது வாழ்வின் கரிகாலம். இதுபோல் மோசடி கும்பலிடம் சிக்காமல் இந்நாள் வரை பாதுகாப்பாக இருந்தவர்கள் எமது மீனவ கிராமங்கள். ஆனால் இப்போது பல குடும்பங்கள் MRDT-ல் பணத்தை இழந்து பரிதவிகின்றனர்.

MRDT நிறுவன மோசடி

MRDT நிறுவனத்தின் மிக கவர்ச்சியான திட்டம் என்பது 1 லட்சம் பணம் செலுத்தி இணைந்தால், மாதம் ரூ.8,000 வீதம் 36 மாதங்களுக்கு வழங்கப்படும் (36x8000=2,88,000).மூன்று வருட முடிவில் அசல் திரும்பத் தரப்படமாட்டாது!. இதே பணத்தை பேங்க்கிலோ, ஊரில் யாரிடமாவது  கொடுத்தால் ஒன்று அல்லது இரண்டு பைசா வட்டி கிடைக்கும், MRDT போட்டால் ஒரு வருடத்தில் போட்ட முதல் கையில் கிடைக்கும் என்பது தான் எமாற்று கும்பலின் திட்டம்.


இத்திட்டத்தில் சேர்ந்த நபர்கள்  பேசுவதுதான் பணமோசடி கும்பலின் ஆரம்ப கட்ட இலவச விளம்பரம். ஆதலால் இத்திட்டத்தில் ஆரம்பத்தில் சேரும் நபர்களுக்கு, அடுத்தடுத்து வந்துசேரும் நபர்களின் முதலீட்டு பணத்திலிருந்து எடுத்துக் கொடுக்கப்படும். "எனக்கு கரெக்டா பணம் வந்துடுச்சு. திரும்பவும் ஒரு ரெண்டு லட்சத்தை கட்டியிருக்கேன். ஒரே வருஷத்துல ரெண்டு லட்சமும் வந்துடும்”, அப்புறம் வரும் பணம் எல்லாம் லாபம்தான்.

மூன்று, நான்கு மதங்கள் கூறியது போல மாத தவணை 8000 வைத்து கொடுத்துவிட்டு, கல்லா நிறைந்த உடன் பணமோசடி கும்பல் தலை மறைவு ஆகிவிட்டார்கள். இப்போது பல குடும்பங்கள் MRDT-ல் பணத்தை இழந்து பரிதவிகின்றனர், பலர் யாரிடம் சென்று முறையிடுவது என கூட தெரியாமல் தத்தளித்து கொண்டு இருகிறார்கள்.

     
மீண்டும் சில காலம் கழிந்து மற்றொரு பெயரில் நம்மை ஏமாற்ற இப்பொழுதே ஒரு கழுகு கூட்டம் எதோ ஒரு மூலையில் சதி திட்டத்தோடு காத்து கொண்டு இருக்கிறது.  நம்முடைய விழிப்புணர்வுதான் நம்மை இது போன்ற மோசடி கும்பலிடம் இருந்து காப்பாற்றும். மக்களே ஏமாறாமல் விழித்துத்திருங்கள்.

பயணம் தொடர்கிறது...

கல்லூரி  நாட்களில் பட்டாம்பூச்சியாய் பறந்து திரிந்துவிட்டு இறுதியாண்டு தேர்வு காலத்தில் மனதில் எழுந்த கேள்வி "அடுத்து என்ன?". பெற்றோரின் தயவில் 23 வருடங்கள் கடந்து சென்றுவிட்டன. மீண்டும் பெற்றோரிடம் செலவுக்கு கை ஏந்தி நிற்க மனமும் துணிவும் வரவில்லை. அன்று தோன்றியதுதான் மும்பைக்கு சென்று வேலை தேடவேண்டும் என்று.

விடுமுறை நாள்களில் ஊருக்கு வந்த மும்பை வாழ் நண்பர்களிடம் மும்பையில் உள்ள வேலை வாய்ப்புகள் குறித்து விசாரித்து, என்னை அறியாமலே மனதில் ஒரு கற்பனை கோட்டை கட்டி எழும்பி கொண்டு இருந்தது. மும்பைக்கு போக துணிந்த காரணமே, எங்கள் ஊர் பூத்துறை சார்பாக மும்பையில் ஒரு வீடு இருந்தது. சாப்பிட காசு இல்லை என்றாலும் தங்க ஒரு இடமுண்டு எனும் நம்பிக்கை தான் என்னை போன்று புதிதாக வேலை தேடி மும்பை செல்பவர்களுக்கு உந்துதலாக இருந்தது, இருந்து கொண்டிருக்கிறது.(அப்படி ஒரு வீடு மும்பையில் கிடைக்க காரணமாக இருந்த திரு.மரியதாசன் மற்றும் காலம்சென்ற திரு.முத்தையன் அவர்களுக்கு எனது நன்றியை தெரிவித்து கொள்கிறேன்). இதுவே பின்னாளில் என்னை சிங்கார சென்னையில் பூத்துறை வாழ் சகோதரர்கள் சார்பாக ஒரு தனி வீடு வாடகைக்கு எடுப்பதற்கு உந்துதலாக இருந்தது.

மும்பை
ஜூன் 2005-ம் ஆண்டு என்னையும் சுமந்து திருவனந்தபுரத்தில் இருந்து மும்பையை நோக்கி புகைவண்டி நகர ஆரம்பித்த அந்த சில நொடிகளுக்குள் முதல் முறையாக தனிமையின் வலியை உணர ஆரம்பித்தேன். அம்மா, அப்பா, தம்பி, தங்கை மற்றும் நண்பர்கள் என ஒவ்வொருவராக கண்முன் வந்து எனது கண்ணிமையில் சிறு நீர்த்துளியை விதைத்து சென்றார்கள். அன்று மும்பையில் ஆரம்பித்த நகர(நரக) வாழ்க்கை சென்னை, சவுதி அரேபியா என கடந்து  இப்பொது UAE-ல் தொடர்ந்து கொண்டு இருக்கிறது.

மும்பையில் சென்ற சில மாதங்களுக்கு பிறகு IT Programmer ஆக ஒரு அலுவகலத்தில் வேலை கிடைத்தது. சில நாள்களுக்குள் அலுவகத்தில் இருந்த ஒரு ஆந்திர நண்பரின் politics ஆல் ஒரு மாதத்திற்கு உள்ளேயே அலுவகத்தில் இருந்து தூக்கி வீசப்பட்டு வேலை இல்லா பட்டதாரி ஆக்கப்பட்டேன். மீண்டும் interview - followup, interview - followup என வாழ்க்கை நகர ஆரம்பித்தது.

ஒரு மாதத்திற்கு பின்பு ICFAI - ல் IT System Admin-அக பணி கிடைத்தது. வேலைக்கு சேர்ந்த சில நாள்களுக்கு பிறகுதான் என்னால் உணர முடிந்தது, நான் 6 வருடங்கள்(3 வருட diploma in computer technology + 3 வருட BTech  in Information Technology) கற்ற தொழில்நுட்ப கல்லூரி என்பது இவ்வுலகில் வாழ கற்றுகொடுத்ததே தவிர, தொழில் செய்யும் முறையை கற்று கொடுக்கவில்லை என்பதை. மீண்டும் வேலையை உதறிவிட்டு  தொழில் செய்யும் முறையை கற்க சென்னைக்கு புகைவண்டி பயணம்.

சென்னை
வந்தாரை வாழவைக்கும் சென்னை எனக்கும் ஒரு நல்ல வாழ்க்கை அமைத்து கொடுக்கும் என எண்ணி சென்னை மண்ணில் என் கால் தடத்தை பதித்தேன்.
(தொடரும்) 
 

1.முகவரியில்லா கல்லூரி காதல்

மூன்றாவது ஆண்டு துவக்கத்தில் அவனது கடைக்கண் பார்வை சக வகுப்பு மாணவியின் மீது பட்டது. சில நாள்களில் இதை மோப்பம் பிடித்து கொண்ட அவனது உயிரினும் மேலான கல்லூரி நண்பர்கள், அவனுக்கு ஆள் கிடைத்து விட்டாள் என மணி அடித்து விட்டார்கள். அப்பெண் கடந்து செல்லும் பொது எல்லாம் அவனது பெயரை உரக்க கூறி அவனையும், அவன் மேல் அவளுக்கும் வெறுப்பேற்றுவார்கள்.

நான்காம் ஆண்டில் அவளிடம் பலமுறை பேச முயன்று அவன் தோற்று போனதுண்டு. ஒரு முறை கூட அவளிடம் பேசாமலேயே அவனது கல்லூரி வாழ்க்கை முடிந்து விட்டது.

பல வருடங்கள் கழித்து முக புத்தகத்தில் suggested friend-ல் அவள் பெயர் வந்தது.

அதில் நுழைந்து பார்த்தபோது அவளுக்கு திருமணம் முடிந்து இருந்தது, அப்போது அவனுக்கும் திருமணம் முடிந்து ஒரு வருடம் ஆகி இருந்தது. Friend request அனுப்பினால் ஏற்று கொள்வாளா மாட்டாளா? என மனதில் பட்டிமன்றம் நடந்து கொண்டு இருக்கும் போதே, add friend request button-ஐ  அழுத்தி விட்டான். சில நாள்களுக்கு பிறகு accepted friend request என குறுஞ்செய்தி வந்தது. பின்பு பல முறை hi, hello என முக புத்தகம் வாயிலாக குறுஞ்செய்தி அனுப்பியும் எந்த பதிலும் வர வில்லை.

அவளுடைய கடந்த பிறந்த நாளில் முக புத்தகம் வாயிலாக "இனிய பிறந்தநாள் நல்வாழ்த்துக்கள்" என குறுஞ்செய்தி அனுப்பினான். அதற்கு உடனடியாக "nanti" என பதில் வந்தது(கல்லூரி நாள்களில் முக புத்தகம் இருந்து இருந்தால் வசதியாக இருந்து இருக்கும்).

அடுத்து அவன் "party ilaya", பதில் "kuduthuta pochu" இப்படியாக இருவரிடம் இருந்து சில கேள்விகளும், சில பதில்களும் என சற்று நேரம் உரையாடல் நீடித்தது. 

10 வருடங்களாக மனதில் கிடந்த கேள்வியை தூசு தட்டி அவளிடம் கேட்க துணிந்து இறுதியாக கேட்டேவிட்டான். 

"என்னை தெரியுமா" என 

அவளது பதிலை கேட்டு அவனால் சிரிப்பை அடக்கேவே முடியவில்லை, அதை அவன் மனைவிடம் கூறியபோது அவளும் மிகவும் சத்தம் போட்டு சிரித்தாள். அவர்களது இருவரின் சிரிப்பு சத்தம் கேட்டு அவனது ஐந்து வயது மகள் வந்து , 

"எதுக்கு அம்மா சிரிக்குதீங்க"

அவன் மனைவி சிரித்து கொண்டே

"உன் அப்பாவின் கல்லூரி காதல் கதையை கேட்டு மகளே" என பதிலளித்தாள்

.

.

.

அவர்களது  இறுதி உரையாடல்

அவன் "என்னை தெரியுமா"

அவள் "from st.Xavier's rite"  

அவன் மீண்டும் "any other identity"

அவள் "no" 

இரண்டு வருடங்களாக line அடித்த பெண், உன்னை தெரியாது என கூறும் பொது  சிரிக்காமல் வேற என்ன செய்வது.

  

FLASHBACK

எனதருமை நண்பர்கள் 

Name                                     Living @
1.Albert                                 UAE2.Borjan                                UAE
3.Finion                                UAE
4..Golbin                              UAE
5.JohnAlex                           UAE
6.Joy                                     UAE
7.Mahesh                              UAE
8.Ouseph                              UAE
9.Shibu                                 UAE  
10.Biju                                 UAE 
11.Jose                                 UAE  

2.Augustin                             Saudi
3.Binu                                    Mumbai5.Cleetus                                Poothurai12.Justin                                  Nigeria
14.Mariajohn                          Poothurai
15.Melbin                                Mumbai
16.Nelson                                Qatar
18.RaviKumar                         Poothurai
20.Spirjin                                Poothurai
20.Stylook                               Poothurai
21.Tony                                   Qatar

பி றப்பிடம் :  பூத்துறை

சாதி மத  பேதமின்றி நிமிர்ந்து நிற்கும் நகரம், இல்லை அரசியல் கூத்துபடி கிராமம் அதுவும் குக்கிராமம்(அரசியல் வாதிகளே வந்து பாருங்கள் எங்களது வாழ்க்கை முறை உங்களுக்கு புரியும்). எமது ஊரில் பெரும்பாலும் கிறிஸ்தவ குடும்பம், ஆனால் எங்களுக்கு ஒரு ஆலயம் மட்டும் தான் உண்டு. எனதருமை முஸ்லிம் சகோதரர்களுக்காக இரண்டு பெரிய மசூதிகளையும் , எனதருமை இந்து  நண்பர்களுக்காக  இரண்டு பெரிய அம்பலங்களயும் தாங்கி நிற்கிறது எங்கள் பூத்துறை.

எமது குலதொழில்: மீன் பிடித்தல்

எங்களது ஊரில் 98% மக்களின் குலத்தொழில் மீன் பிடித்தல், கிறிஸ்தவர்கள் மட்டுமல்லாது இந்து மற்றும் முஸ்லிம் சகோதரர்களும் மீன்பிடி தொழில் செய்வதுண்டு. ஞாயிற்றுகிழமைகளில் கிறிஸ்தவர்களுக்கு ஓய்வும், மற்ற சகோதரர்கள் கடலுக்கும் செல்வார்கள். அதனால் வாரத்தின் அனைத்து நாள்களிலும் நல்ல மீன்கள் கிடைப்பதுண்டு.

எமது  வாழ்க்கைமுறை 

மருத்துவ தந்தையின் கனவு, தனது  பிள்ளையை மருத்துவன் ஆக்குவது. பொறியாளனின்  கனவு, தனது  பிள்ளையை பொறியாளன் ஆக்குவது. அரசியல்வாதியின் கனவு, தனது  பிள்ளையை அரசியல்வாதி ஆக்குவது. ஆனால் எங்களின் பெற்றோரின் கனவு தமது பிள்ளைகள் பள்ளிக்கு சென்று எழுத படிக்க கற்றால் போதும் என்பது. ஆதலால் 1980-ளின் இறுதியில் பிறந்த அனைவரும் குறைந்தது 8-ம் வகுப்பு வரை படித்து இருப்போம்.

பள்ளி பருவத்தில் மறக்காமல் இருக்க நினைப்பது...


வகுப்பு 1-3

• பூத்துறை முதல் பள்ளிக்கூடம்(சின்னத்துறை ) வரை நடந்து செல்வது.
• பள்ளிக்கூடம்முடிந்து வரும்போது ரோட்டில் 1,2,3... எழுதி கொண்டே வீடு வந்து சேருவது.
• சில நாள்கள் கடற்கரை வழியாக வருவது.
• தூங்கு வாணிச்சி துசியன்,கலியொடக்கை,அச்சாறு மற்றும் பல.

வகுப்பு 4 to 8

• பூத்துறை பள்ளிக்கூடம் பழைய கான்வெண்டில் துவங்கி, திருமண மண்டபம் மற்றும் பள்ளிக்கூடத்தில் படித்தது.
• கார்லொஸ் தொட்டியில் கால்பந்து விளையாட்டு.  
• போட்டோ எடுத்து பிலிம்மில் போட்டோ பதிந்ததா என்று கேமராவை திறந்தது. 
• சயங்கால வேளைகளில் மட்டை பந்து, வாலு புடுங்கல்,கெலப்பை, ஊட்டி சோறு பண்ணி சோறு,கச்சி,பிலிம் விளையாட்டு, பேப்பர் விளையாட்டு.
• இரவு - திருவிழா காலங்களில் பெரிய திரையில் சினிமா,
• திருமண, ஜானஸ்தான வீட்டில்,சின்ன திரையில் மூன்று சினிமா காண்பிப்பது. 
• திருமண வீடுகளில் அம்மா உடன் சென்று, இலவியாரத்துக்கு சாப்பிடுவது.
• Johnalex -ன்  புதுநன்மை. 
• மிதி வண்டியின் ஆரம்ப காலம். 
• மணெண்ணெய் விளக்கில் படித்தது.
• படிப்பகத்தில் ஒளியும் ஒலியும் பார்ப்பது.

வகுப்பு 9-12

• trucker-ல மற்றும் பஸ்பாஸ்-ல் பள்ளிக்கு செல்வது.
• மதியம் சாப்பிடுவதற்கு நடந்து வீட்டிற்கு வருவது.
• நண்பனுக்கு திருமண அழைப்பிதழ் கிடைத்தால் அனைவரும் சென்று ஒரு கை பார்ப்பது.
• இரு சக்கர வாகனத்தின் ஆரம்ப காலம்.
• பெண்ணுக்க கூட பேசினால் காதல். 
• எங்களது வகுப்பில் 28 பேர் +2 தேர்வு எழுதி ஒருவர் மட்டும் பாஸ்.
• வகுப்பு கட் அடித்து கிரிக்கெட் பார்க்க செல்வது. 
• ஊரே ஒன்றாக இருந்து படிப்பகத்தில்கிரிக்கெட் பார்ப்பது.

இளமை தந்த நினைவுகள்...

• சிலநாள் அதிகாலை வேளைகளில் ஒத்தப்பன கள்ளு. 
• காலை பழைய வாலிபால் விளையாட்டு திடலில் மூவர்  கால்பந்து.
• பாலம் ஆற்றில் பாலத்தின் மேல் இருந்து குதிப்பது.
• வீட்டில் காலை கஞ்சி(மஞ்ச தண்ணி, புளியும் மொளவும்).
• மதிய  வேளைகளில் எடப்பாடில் கிரிக்கெட் மற்றும்  சீட்டு விளையாட்டு.
• நான்கு மணிக்கு மதிய சாப்பாடு வீட்டில்.
• சயங்கால வேளைகளில் மதிலில் கால்பந்து.
• கடற்கரை மணலில் இரவு அரட்டை.
• சில சமயம் நித்திரவிளை திரை அரங்கில் இரவு காட்சி.
• கடற்கரை மணலில் இரவு தூக்கம்(கிறிஸ்துராஜா குருசடி மற்றும் எடப்பாடு)
• டெஸ்ட் கிரிக்கெட் பார்க்க பொழி கடந்து ராமன்துறை யில் சென்றது. 
•  மம்மோன் கடை பாயசம் மற்றும் பழரோஸ்ட்.

நமது பிள்ளைகள் இழப்பது...

• மட்டை பந்து, வாலு புடுங்கல்,கெலப்பை, ஊட்டி சோறு பண்ணி சோறு,கச்சி,பிலிம் விளையாட்டு,பேப்பர் விளையாட்டு.
• கடற்கரை மணல் மற்றும் தூக்கம். 
• ஆறில் குளிப்பது மற்றும் நீச்சல்.